ပြသခြင်း . ၆
>>>>>>>>>>>>>

ကာရန်ကဗျာရေးလျင်သိထားသင့်သော် ........ :-) :-) :-)

" ချီသံ(ဂရု) / ချသံ(လဟု) "
-----------------------

ကာရန်ကဗျာ
ဖွဲ့တိုင်းမှာ
သံသာ အချီ/ချ ။

အသံသာလျှင်
(တုတိ)ပင်
အစဉ် ရွတ်ဆိုလှ ။

"ချီသံ"မှန်မူ
မြင့်သံ ယူ
အတူ "ဆယ့်ရှစ်"ပြ ။

ချီသံ=တက်သံ
အမည်ခံ
မှတ်ရန် ( ဂရု ) ဗျ ။

"ချသံ"နိမ့်အောက်
လေးဆယ့်ခြောက်
ဝမ်မြောက် မှတ်သားကြ ။

(သက်)+(နိမ့်)+(တိုင်)သံ
တွဲမှတ်ရန်
(ချသံ)=(လဟု)ရ ။

ချီသံ/ချသံ
နေရာမှန်
"ပြန်လှန်"ဖွဲ့ဆိုမှ ။

ချီသံ/ချသံ
မူမမှန်
ကာရန် မလှပ ။

အသံ နှစ်ထပ်
မဖွဲ့အပ်
ရေးစပ် ဆိုသံအ ။

နှစ်ခါထပ်လို
(တိုင်သံ)ကို
ဖွဲ့ဆို ကပစတ ။

" ကွမ်း စား တတ် ပြီ
အသတ်သည်
ကြားညီ ဖွဲ့ဆိုမျှ ။

မလွှဲရှောင်သာ
ဖွဲ့ဆိုရာ
မြင် " တာ ကွမ်း စား ပြ " ။

ချီ/ချမှန်ရေး
ဦးစားပေး
မျှော်တွေး ဖွဲ့ဆိုပ ။          ။

နေဘုန်းမိုရ်

"ချီသံ ချသံ အကြောင်း"
------------------------

ချီသံ ။         ။ အသံမြှင့်ပြီးဆိုရတဲ့အသံ ။
                      မြန်မာစကား ပကတိအသံ ၄ မျိုး
                      ထဲက တက်သံ(၁၈)ပါးပါဘဲ။
                      ပါဠိလိုတော့ ဂရု လို့ခေါ်ပါတယ် ။

ချသံ ။         ။ တဖြည်းဖြည်း နှိမ့်ပြီး ကျဆင်းသွား
                      အောင် ဆိုရတဲ့ အသံ ။ ပကတိအသံ
                      ၄ မျိုးထဲက သက်သံ(၁၈)ပါး+နိမ့်သံ
                      (၁၈)ပါး+တိုင်သံ(၁၀)ပါး=(၄၆)ပါး
                       ကိုခေါ်တာဖြစ်ပါတယ်။ ပါဠိလိုတော့
                       လဟု လို့ခေါ်ပါတယ် ။

" ချီသံ/ချသံကို နေရာမှန်သုံးခြင်း "

          ကဗျာရေးရာမှာ ချီသံ နဲ့ ချသံကို နေရာမှန်သုံး
တတ်ဖို့ အရေးကြီးပါတယ် ။ ချီသံနဲ့စရမယ့် နေရာ
မှာ ချသံနဲ့စထားရင် ဆို/ဖတ်လို့ မကောင်းဘူး။ ထို့
အတူ ချသံနဲ့ဆုံးရမယ့်နေရာမှာ ချီသံနဲ့ဆုံးထားရင်
လည်း မကောင်းဘူး ။
          ဒီလို နေရာမမှန် ရေးဖွဲ့ထားတဲ့ကဗျာကတော့
ကဗျာတော့ ကဗျာပါပဲ။ ဒါပေ ကဗျာကောင်းတို့ရဲ့
ဂုဏ်အင်္ဂါနဲ့ မညီတဲ့ အတွက် ရွတ်/ဖတ်/ဆိုရင် တုတ ဆိုတဲ့ သာယာနာပျော်ဖွယ် မဖြစ်ဘူး။ထောင့်
ထောင့်အောင့်အောင့်ကြီးဖြစ်နေတယ်။
          ဒါကြောင့် ကဗျာရေးစပ်သီကုံးတဲ့အခါ ချီ/ချ
အသံတွေကို ကဗျာ တစ်ခုချင်းရဲ့ဥပဒေသ အလိုက်
နေရာမှန်ထားပါမှ သာယာနာပျော်ဖွယ်ဖြစ်တဲ့ တုတိ
ကဗျာကောင်းတစ်ပုဒ် ဖြစ်ပါမယ် ။

" ကဗျာ အမျိုးအစားအလိုက် ချီ/ချသံထားခြင်း "
----------------------------------------

၁။       လေးလုံးစပ် အုပ်စုဝင် လင်္ကာ/ရတု များတွင်
ချီ/ချသံများကို စယူသည့် အသံပေါ်မူတည်၍ တစ်
လှည့်စီ ကာရန်အတွဲလိုက် လှည့်စပ်သွားပါက ပိုလှပါမယ်။

နမူနာ

တိမ်ပြာဝါ(နီ) I  အုံ့မှိုင်း(ရီ)၍
တောင်(ဆီ)ညို [မဲ] I မိုးစ [သဲ]သော်
လုပ်[ မြဲ]ဝမ်း (စာ) I မြေလယ် (ယာ) ၌
ဆွ (ကာ) ထွန် [ရင်း] I   နွားတစ် [ရှဉ်း] နှင့်
သီ [ချင်း]စေ(တော) I သံချို (နှော)နှင့်
မ(မော)နေ့[စဉ်] I လုပ်အား[ဆင်]သည်
လယ် [ ပြင်]ကွင်း(ဘေး) ရေဖွေး(ဖွေး)  ။           ။

(       )  သည် ချီသံများ နဲ့ [         ] သည်ချသံများ
ဖြစ်ပြီး တစ်လှည့်စီ ကာရန် အတွဲလိုက်ယူသွားတာ
ကိုတွေ့ရမှာပါ ။

၂။      အချိုးကဗျာများနှင့် တေးထပ်I ဘောလယ် စ
သည်တို့မှာ  ဥပဒေသပါ ချီ/ချသံ နေရာများပေါ်မူ
တည်၍ အတွင်းကာရန်အတွဲများကို တစ်လှည့်စီ
ဖွဲဆိုသွားပါမှ အသံပိုလှပါမယ်။

၃။     ချီ/ချသံများကို စာအဓိပ္ပာယ်အရ မလွဲမရှောင်
မှသာ နှစ်ခါထပ်ယူပါ ။ ယူတဲ့အခါ ချသံကိုနှစ်ခါထပ်
ချင်ရင် ချသံ ၃မျိုးပေါင်းထဲက အောက်မြစ်သံ ဝစ္စံပေါက်သံမဟုတ်တဲ့ တိုင်သံ၁၀ မျိုးကိုပထမ ဦး စားပေး ထပ်ပါ။
တိုင်သံ(၁၀)မျိုးဆိုတာ ကသတ် စသတ် l တသတ်
ပသတ် လေးမျိုးနဲ့သတ်ထားတာဖြစ်တယ်။
(ဒီအသတ်လေးမျိုးကို အလွယ်မှတ်ရင် က စ တ ပ=
"ကွမ်းစားတတ်ပြီ"လို့မှတ်ပါ။)

နမူနာ

ကျေးဇူးများ(မြောင်) l နှစ်ငါး(ထောင်)လျှင်
မြ(ဲနှောင်)မြင့်[စည်] l တည်စိမ့်[သည်]ဟု
သုံး[မည်]လူ့(ထိပ်) I မြွက်ခဲ့(ရိပ်)က
ပတ်(ချိပ်)နီး[ဝေး] l ထွန်းလျှံ[ပြေး]သည်
မ[ကွေး] မြသလွန်ပါတကား ။         ။

စည်/သည်/မည် ချီသံ နှင့် ဝေး/ပြေး/ကွေး ချသံများအကြား ရိပ်/ချိပ်/ထိပ် ချသံ-ပသတ် ကို ကြားခံထပ်တာကိုတွေ့ရပါမယ်။

၎။  နှစ်ခါထပ်ရာမှာ ချီသံထဲက အခြား သက်သံ နိမ့်
သံများနှင့်လည်းထပ်၍ရပါတယ်။ ဒီအသံ နှစ်ခုမှာမှ
နိမ့်သံထက် သက်သံကို ဒုတိယဦးစားပေးထပ်ပါ။
(ကျန်နိမ့်သံကိုတော့ မထပ်မိတာပိုကောင်းပါတယ်)

နမူနာ

မရှိမ(ရ)Iအိမ်ထောင်(ကျ)ဟု
အာ(စ)မ[လှဲ့] l သ[လဲ့]သ(လွင်း)
လူ့ခ(ပင်း)ကား l မ(ငြင်း)မခုန်

"အချိုးကဗျာများတွင် ချီ/ချသံများကို ဥပဒေသအ
လိုက်နေရာမှန်ထားခြင်း "

ဇယားဖြင့်ပြပါမယ် ။
------------------------------------------
             l  ဒွေးချိုး       l      တြိချိုး      l      လေးချိုး
------------------------------------------
ပချိုး     l  ဂစ/လချ   l     လစ/ဂချ   l      လစ/ဂချ
------------------------------------------
ဒုချိုး     l ကစ/လချ   l     ဂစ/လချ   l     လစ/ဂချ   
------------------------------------------
တချိုး   l                     l     ကစ/လချ  l     ကစ/လချ                                                                                     ------------------------------------------
စချိုး     l                      l                      l     ကစ/လချ
------------------------------------------

ဂစ=ဂရု(ချီသံ)ဖြင့်စပါ ။
လစ=လဟု(ချသံ)ဖြင့်စပါ ။
ဂချ=ဂရု(ချီသံ)ဖြင့်ချပါ။
လချ=လဟု(ချသံ)ဖြင့်ချပါ ။
ကစ=ကြိုက်ရာချီ/ချသံဖြင့်စပါ။

မှတ်ရန်

၁။         လေးချိုး စတုထ္ထအစကို ချီသံဖြင့်စတာများ
ပါတယ်။ 
၂။         အတွင်းကာရန်များကို အစပ်ါမူတည်၍ တစ်
လှည့်စီသွားပါ။
၃။         ဒွေချိုး တြိချိုး လေးချိုးတို့ရဲ့အောက်ဆုံး အချိုးတိုင်းဟာ လဟု(ချသံ)ဖြင့်ချရမှာ ဖြစ်တဲ့အ
တွက် အချပါဒတိုင်းမှာ အတွင်းကာရန်ဟာ အတွဲ
ပေါ်မူတည်ပြီး ဘာအသံကျကျ ရပါတယ်။ ဆိုလို
တာက အချစာလုံးဟာ ချသံဖြစ်နေတဲ့အတွက် သူ့
ပါဒက အတွင်းကာရန်ဟာ ချသံဖြစ်နေလည်း ရတယ်။ ပိုတောင်ကောင်းတယ်လို့ ဆိုပါတယ်။

နမူနာ

တပင်ကိုနှစ်ပင်(ယှက်)တယ်
ကျေး(ငှက်)က[ မြူး ] ။