ကစ္ဆပရီနန့် ပိုက်သေဘားဘာ
---------------------------------------------
ချစ်သောဘားဘာ
လောကတခွင် သား/သမီး ရှင်ဖို့ 
ရင်ထဲအသိ ပညာဟိကာ
ကြင်နာနွီးထွီး မိတ္တာပီးလို့ 
ဖြူစင်စိတ်ထား နှလုံးသားနန့်
ပီးဆက်အသျှင် ဘားဘာရင်ခွင် ။
ချစ်သောဘားဘာ
နှင်းကို မထီ ဆောင်းရာသီမာ
နီကိုမကြောက် နီပူရောက်လေး
မိုးကိုမချောင် လှိုင်းဘောင်းဘောင်နန့်
နဒီမြစ်လှ ကစ္ဆပမာ
မိုးကြိုးပိုတ်သံ တညံညံနန့်
လူသန်မကြား သံခေါင်ကြားမာ
အဖော်မပါ လီကလာလေး
ရဲရင်းသတ္တိ ကမ္ဘာသိအောင်
အားအင်ခွန်စိတ် ဇွဲလုံးဟိတ်ကာ
မိုးဆောင်းနွီဟောင်း ရာသီပြောင်းလေး
ပေ့မာလေးထိုင် တက်ကိုကိုင်လို့
နီထွက်နီဝင် အလုပ်ထွင်ပျာ
စော်စော်မိုးသောက် အာရုဏ်ရောက်ထိ
နဒီအလှ ပိုက်သေဘဝ
ခရီးကကြမ်း ဘားဘာလမ်းလေး
ဖြတ်သန်းနီရ ဤကစ္ဆပ ။
သာလီစွပါ
------------------------------------------------------------
ခိုင်မင်း(ဦးရာဇ်မြီ)
------------------------------------------------------------
No comments:
Post a Comment